பயங்கரவாத ஒழிப்பு: பாகிஸ்தானால் முடியாவிட்டால் இந்தியா உதவத் தயார்

மாநிலங்களவை விவாதத்தில் ராஜ்நாத் சிங்

- 

புது தில்லி, ஜூலை 29: தனது மண்ணில் பயங்கரவாதத்தை ஒழிக்க பாகிஸ்தானால் முடியாவிட்டால் இந்தியா உதவத் தயாராக உள்ளது என்று மாநிலங்களவையில் பாதுகாப்புத் துறை அமைச்சர் ராஜ்நாத் சிங் செவ்வாய்க்கிழமை தெரிவித்தார்.

மேலும், ஆபரேஷன் சிந்தூருக்கு காற்புள்ளி இடப்பட்டுள்ளதே அன்றி முற்றுப்புள்ளி வைக்கப்படவில்லை என்றார் அவர். பஹல்காம் பயங்கரவாதத் தாக்குதலுக்கு பதிலடியாக இந்தியா மேற்கொண்ட ஆபரேஷன் சிந்தூர் நடவடிக்கை குறித்து மாநிலங்களவையில் 16 மணிநேர சிறப்பு விவாதம் செவ்வாய்க்கிழமை தொடங்கியது. இந்த விவாதத்தைத் தொடங்கிவைத்துப் பேசிய பாதுகாப்புத் துறை அமைச்சர் ராஜ்நாத் சிங், பஹல்காம் தாக்குதலில் ஈடுபட்ட 3 பயங்கரவாதிகள் இந்தியப் படையினரால் கொல்லப்பட்ட தகவலை தெரிவித்தார்.