பெகுலாவை சாய்த்தார் லெய்லா

அமெரிக்காவில் நடைபெறும் முபாதலா சிட்டி ஓபன் டென்னிஸ் போட்டியில், தரவரிசையில் முதலிடத்தில் இருந்த உள்நாட்டு வீராங்கனை ஜெஸ்ஸிகா பெகுலாவை வீழ்த்தி, கனடாவின் இளம் வீராங்கனை லெய்லா ஃபெர்னாண்டஸ் காலிறுதிச்சுற்றுக்கு வெள்ளிக்கிழமை முன்னேறினார்.

- 

வாஷிங்டன், ஜூலை 25:

மகளிர் ஒற்றையர் காலிறுதிக்கு முந்தைய சுற்றில், லெய்லா 6-3, 1-6, 7-5 என்ற செட்களில் பெகுலாவை சாய்த்தார். அடுத்ததாக காலிறுதியில் அவர், மற்றொரு அமெரிக்கரான டெய்லர் டௌன்செண்டை எதிர்கொள்கிறார்.

முன்னதாக டௌன்செண்ட் 6-3, 6-0 என்ற நேர் செட்களில், சக அமெரிக்கரும், போட்டித் தரவரிசையில் 6-ஆம் இடத்தில் இருந்தவருமான சோஃபியா கெனினை வெளியேற்றினார்.