சோழகங்கம் ஏரி வாய்க்கால்களை தூர்வார வேண்டும்

அரியலூர் விவசாயிகள் வலியுறுத்தல்

- 

அரியலூர், ஜூலை 18: சோழகங்கம் எனும் பொன்னேரியில் உள்ள 4 வாய்க்கால்களை தூர்வாரி, கடைமடை விவசாயிகளுக்கும் பாசன வசதி ஏற்படுத்தி தரவேண்டும் என விவசாயிகள் வலியுறுத்தினர்.

அரியலூர் மாவட்ட ஆட்சியரக கூட்டரங்கில், ஆட்சியர் பொ.ரத்தினசாமி தலைமையில் விவசாயிகள் குறைகேட்புக் கூட்டம் வெள்ளிக்கிழமை நடைபெற்றது. கூட்டத்தில் விவசாயிகள் பேசியது:

அரியலூர் மாவட்ட விவசாயிகள் சங்கத் தலைவர் என்.செங்கமுத்து: அரியலூர் வேளாண் பொறியியல் துறைக்கு வழங்கப்பட்ட ரொட்டேட்டரை, இயக்குவதற்கு ஓட்டுநர் இல்லை எனக் கூறி, அதனை சிதம்பரத்துக்கு அனுப்பி வைக்கப்பட்டதை திரும்பப் பெற வேண்டும்.