அரசு தொழில்நுட்பக் கழக விரிவுரையாளர் தேர்வு பட்டியலை ரத்து செய்யக் கோரிய மனு தள்ளுபடி: உயர்நீதிமன்றம்

தமிழகத்தில் ஆசிரியர் தேர்வு வாரியம் நடத்திய அரசு தொழில்நுட்பக் கல்லூரி தொழில்நுட்ப விரிவுரையாளர் பணிக்கான தேர்வு பட்டியலை ரத்து செய்யக் கோரிய மேல்முறையீட்டு மனுவை தள்ளுபடி செய்து, சென்னை உயர்நீதிமன்ற மதுரை அமர்வு வெள்ளிக்கிழமை உத்தரவிட்டது.

- 

மதுரை, ஜூலை 4:

ஆசிரியர் தேர்வு வாரியம் நடத்திய அரசு தொழில்நுட்பக் கல்லூரி தகவல் தொழில்நுட்பப் பிரிவு விரிவுரையாளர் பணிக்கான தேர்வு பட்டியலை ரத்து செய்யக் கோரி, இ. சூர்யா என்பவர் சென்னை உயர்நீதிமன்ற மதுரை அமர்வில் மனு தாக்கல் செய்தார். இந்த மனுவை கடந்த 2024-ஆம் ஆண்டு உயர்நீதிமன்றத் தனி நீதிபதி தள்ளுபடி செய்தார்.

இதை எதிர்த்து, சூர்யா சென்னை உயர்நீதிமன்ற மதுரை அமர்வில் தாக்கல் செய்த மேல்முறையீட்டு மனு: அரசு தொழில்நுட்பக் கல்லூரிகளின் விரிவுரையாளர் பணிக்கான தேர்வு அறிவிப்பு, ஆசிரியர் தேர்வு வாரியத்தால் கடந்த 2019-ஆம் ஆண்டு வெளியிடப்பட்டது. பட்டியலின பிரிவில் இந்தப் பணிக்கு நான் விண்ணப்பித்தேன். தேர்வில் 119 மதிப்பெண் பெற்றேன்.

இரு காலிப் பணியிடங்களில், என்னைவிட அதிக மதிப்பெண் பெற்ற அருந்ததியர் இனத்தைச் சேர்ந்தவர் பட்டியலின பொதுப் பிரிவில் தேர்வு செய்யப்பட்டார். அடுத்த காலியிடத்தில் என்னைவிட குறைந்த மதிப்பெண் பெற்ற அருந்ததியர் பிரிவைச் சேர்ந்தவர் தேர்வு செய்யப்பட்டார்.