தமிழ் மண்ணையும், மொழியையும் காக்க அனைவரும் ஓரணியில் திரள வேண்டும்

அமைச்சர் சா.சி.சிவசங்கர் பேட்டி

- 

அரியலூர்/கரூர், ஜூலை 1: தமிழ் மண்ணையும், மானத்தையும், மொழியையும் காக்க அனைவரும் ஓரணியில் திரள வேண்டும் என்றார் போக்குவரத்து மற்றும் மின்சாரத் துறை அமைச்சரும், அரியலூர் மாவட்ட திமுக செயலருமான சா.சி.சிவசங்கர்.

அரியலூரில் உள்ள திமுக அலுவலகத்தில் செவ்வாய்க்கிழமை மாலை அவர் செய்தியாளர்களுக்கு அளித்த பேட்டி:

தமிழ்நாடு ஓரணியில் நின்ற காரணத்தால் ஹிந்தி திணிப்பை முறியடித்து, தாய்மொழி தமிழைக் காத்து நம் மொழியின் அந்தஸ்தை உயர்த்தியுள்ளோம். தற்போது மகாராஷ்டிரா மாநிலத்தில் ஆளும் பாஜக அரசு, எதிர்க்கட்சிகளின் எதிர்ப்பால் ஹிந்தி மொழித் திணிப்பில் இருந்து பின்வாங்கி இருக்கிறது. தென்மாநிலங்களில் தங்களுடைய தாய்மொழியை அவசியம் படிக்க வேண்டும் என்று சட்டத் திருத்தத்தை கொண்டு வருகின்றனர்.