தேர்தல் களம் காணாத 24 தமிழக கட்சிகளுக்கு நோட்டீஸ்

தேர்தல் ஆணையம் உத்தரவு

- 

சென்னை, ஜூன் 27: தமிழகத்தில் கடந்த ஆறு ஆண்டுகளாக தேர்தல் களம் காணாத 24 கட்சிகளுக்கு நோட்டீஸ் அனுப்ப மாநில தலைமைத் தேர்தல் அதிகாரிக்கு இந்திய தேர்தல் ஆணையம் உத்தரவிட்டுள்ளது.

இதுகுறித்து தலைமைத் தேர்தல் அதிகாரி அர்ச்சனா பட்நாயக்கு இந்திய தேர்தல் ஆணையத்தின் சார்புச் செயலர் லவ் குஷ் யாதவ் அனுப்பியுள்ள கடிதம்:

தேர்தல் ஆணையத்தின் சட்ட விதிகள் படி ஒரு அரசியல் கட்சியை பதிவு செய்வதன் நோக்கம், மக்கள் பிரதிநிதித்துவ சட்டத்தின் கூறுகளில் பங்கெடுப்பதாகும். அதாவது, அந்தச் சட்டத்தின் கீழ் தேர்தல் ஆணையம் நடத்தும் தேர்தல்களில் கட்சிகள் போட்டியிடுவதே குறிக்கோளாகக் கருதப்படுகிறது.