திருச்சி மாநகராட்சி பகுதியில் அடுத்தடுத்து 3 பேர் உயிரிழப்பு

திருச்சி உறையூர் பகுதியில் குடிநீரில் கழிவுநீர் கலந்து வருவதாக எழுந்த புகாரைத் தொடர்ந்து, கடந்த சில நாட்களில் குழந்தை, பெண் உள்பட 3 பேர் அடுத்தடுத்து உயிரிழந்தது தொடர்பாக மாநகராட்சி மேயர் மு. அன்பழகன் மற்றும் அலுவலர்கள் ஞாயிற்றுக்கிழமை நேரில் சென்று ஆய்வு மேற்கொண்டனர்.

- 

திருச்சி, ஏப். 20: மேலும் அப்பகுதியில் மருத்துவ முகாம் நடத்தி மாத்திரைகள் வழங்கப்பட்டு வருகின்றன.

திருச்சி மாநகராட்சி 8 மற்றும் 10-ஆவது வார்டுகளுக்குள்பட்ட பகுதிகளில் கடந்த சில நாட்களாக குடிநீரில் கழிவுநீர் கலந்து வருவதாக புகார் எழுந்த நிலையில் உறையூர் மின்னப்பன் தெருவைச் சேர்ந்த லதா (60), மருதாம்பாள் (85) மற்றும் பிரியங்கா (4) ஆகிய 3 பேர் அண்மையில் அடுத்தடுத்து உயிரிழந்துள்ளனர்.

இதுகுறித்து தகவல் அறிந்த மாநகராட்சி அதிகாரிகள் மற்றும் போலீஸார் நிகழ்விடம் சென்று விசாரணை மேற்கொண்டனர் என்றாலும் முறையான நடவடிக்கை எடுக்கவில்லை எனக் கூறப்படுகிறது.