எல்ஐசி ஊழியருக்குத் தெரியாமல் கையொப்பமிட்டு கார் பதிவு செய்த நிறுவனம் ரூ.15.45 லட்சம் வழங்க உத்தரவு

எல்ஐசி ஊழியருக்குத் தெரியாமல், அவரது கையொப்பமிட்டு, காரைப் பதிவு செய்த நிறுவனம், அவருக்கு ரூ. 15.45 லட்சம் வழங்குமாறு நுகர்வோர் குறைதீர் ஆணையம் வியாழக்கிழமை உத்தரவிட்டது.

- 

திருவாரூர், ஜூலை 17:

திருநெல்வேலி மாவட்டம், வள்ளியூரைச் சேர்ந்த பசுபதி மகன் ஷ்யாம் அருண்பாபு (40). இவர், திருவாரூர் மாவட்டம் திருத்துறைப்பூண்டி எல்ஐசி அலுவலகத்தில் உதவி நிர்வாக அலுவலராக உள்ளார். 26.8.2024-இல் டாடா நிறுவனத்தின் காரை முன்பதிவு செய்வதற்காக அந்த நிறுவன இணையதளத்தில் ஆன்லைன் மூலம் ரூ. 1,81,000 முன்பணம் செலுத்தியுள்ளார். மீதித் தொகையான ரூ. 8,54,000-ஐ பாளையங்கோட்டையில் உள்ள தேசியமயமாக்கப்பட்ட வங்கியில் கடனாகப் பெற்றுக் கொள்வது என்று முடிவு செய்யப்பட்டது.