ஜம்மு-காஷ்மீரில் தேசிய மாநாட்டுக் கட்சி, காங்கிரஸ் ஆர்ப்பாட்டம்

ஜம்மு-காஷ்மீருக்கு சிறப்பு அந்தஸ்து அளித்து வந்த அரசியல் சாசனத்தின் 370-ஆவது பிரிவை மத்திய அரசு கடந்த 2019-இல் நீக்கியதைக் கண்டித்து தேசிய மாநாட்டுக் கட்சியும், காங்கிரஸ் கட்சியும் ஆர்ப்பாட்டங்களை நடத்தின.

- 

ஸ்ரீநகர், ஆக. 5:

அரசியல் சாசனத்தின் 370-ஆவது பிரிவை மத்திய அரசு கடந்த 2019-ஆம் ஆண்டு ஆகஸ்ட் 5-ஆம் தேதி நீக்கியது. இந்த நாளையொட்டி, ஸ்ரீநகரின் நவா-இ-சுபா பகுதியில் உள்ள தேசிய மாநாட்டு கட்சியின் தலைமையகத்தில் அக்கட்சியின் காஷ்மீர் மண்டலத் தலைவர் ஷௌகத் அகமது மீர் தலைமையில் எம்எல்ஏ-க்களும் மூத்த தலைவர்களும் செவ்வாய்க்கிழமை திரண்டனர். ஜம்மு-காஷ்மீருக்கு சிறப்பு அந்தஸ்து அளித்து வந்த அரசியல் சாசனத்தின் 370ஆவது பிரிவை மத்திய அரசு நீக்கியதைக் கண்டித்து அவர்கள் கோஷங்களை எழுப்பினர். ஜம்மு-காஷ்மீருக்கு மீண்டும் மாநில அந்தஸ்தை அளிக்குமாறு அவர்கள் வலியுறுத்தினர்.