வக்ஃப் நிலக் கட்டட வாடகை மோசடி: குஜராத்தில் 5 பேர் கைது

குஜராத்தில் வக்ஃப் வாரியத்தின் கீழ் பதிவு செய்து கொண்ட இரு அறக்கட்டளைகளுக்கு சொந்தமான நிலத்தில் கட்டப்பட்டுள்ள கட்டடங்களுக்கு சம்பந்தப்பட்ட அறக்கட்டளைகளின் அறங்காவலர்கள் போல் நடித்து கடந்த 17 ஆண்டுகளாக வாடகை வசூலித்து வந்த 5 பேரை போலீஸார் கைது செய்துள்ளனர்.

- 

அகமதாபாத், ஏப். 20:

குஜராத்தின் அகமதாபாத் நகரில் வக்ஃப் வாரியத்தின் கீழ் காஞ்சனி மசூதி அறக்கட்டளையும் ஷா படா கசம் அறக்கட்டளையும் பதிவு செய்யப்பட்டுள்ளன. இந்த அறக்கட்டளைகளுக்குச் சொந்தமான நிலத்தில் 100 வீடுகளும் கடைகளும் உள்ளன. அவற்றில் வசிப்போரிடம் இருந்து 5 பேர் மாதந்தோறும் வாடகை வசூலித்து வந்துள்ளனர். சம்பந்தப்பட்ட இரு அறக்கட்டளைகளின் அறங்காவலர்கள் போல் நடித்து இந்த 5 பேரும் கடந்த 17 ஆண்டுகளாக வாடகை வசூலித்து வந்தது தெரிய வந்துள்ளது.