குலசேகரன்பட்டினத்திலிருந்து இன்னும் 2 ஆண்டுகளில் ராக்கெட் ஏவப்படும்

தூத்துக்குடி மாவட்டம், குலசேகரன்பட்டினம் ஏவுதளத்திலிருந்து இன்னும் 2 ஆண்டுகளில் விண்ணில் ராக்கெட் செலுத்தப்படும் என்று இஸ்ரோ தலைவர் வி.நாராயணன் கூறினார்.

- 

நாகர்கோவில், ஏப். 18:

நாகர்கோவிலில் அவர் செய்தியாளர்களிடம் வெள்ளிக்கிழமை கூறியதாவது: இஸ்ரோவில் நிகழ் ஆண்டில் பல சாதனைகள் நிகழ்த்தப்பட்டு வருகின்றன. சூரியனின் வெளிப்புறப் பகுதியை ஆராய்வதற்காக ஜனவரி 6-ஆம் தேதி அனுப்பப்பட்ட ஆதித்யா எல் 1 விண்கலத்திலிருந்து ஏராளமான தகவல்கள் கிடைத்துள்ளன.

ஜனவரி 16 ஆம் தேதி, ஸ்பேடெக்ஸ் விண்கலன்களை ஒன்றிணைக்கும் திட்டம் வெற்றி பெற்றது. விண்கலன்கள் ஒருங்கிணைப்புத் தொழில்நுட்பத்தில் சாதனை படைத்ததில், இந்தியா 4-ஆவது நாடாகும்.

இஸ்ரோவின் 100-ஆவது ராக்கெட் ஸ்ரீஹரிகோட்டாவிலிருந்து கடந்த ஜனவரி 29-ஆம் தேதி விண்ணில் செலுத்தப்பட்டது.