ராகுல் பேச அனுமதி மறுப்பு: ஓம் பிர்லாவுடன் எதிர்க்கட்சி எம்.பி.க்கள் சந்திப்பு

மக்களவை எதிர்க்கட்சித் தலைவர் ராகுல் காந்திக்கு பேச அனுமதி மறுக்கப்பட்டதாக கூறப்படும் விவகாரத்துக்கு கண்டனம் தெரிவித்து அவைத் தலைவர் ஓம் பிர்லாவை வியாழக்கிழமை சந்தித்த எதிர்க்கட்சி எம்.பி.க்கள் அவரிடம் கடிதம் வழங்கினர்.

- 

புது தில்லி, மார்ச் 27:

மக்களவை காங்கிரஸ் துணைத் தலைவர் கௌரவ் கோகோய் தலைமையில் சென்ற இந்தக் குழுவில் திமுக, திரிணமூல் காங்கிரஸ், சமாஜவாதி, ராஷ்ட்ரீய ஜனதா தளம், மதிமுக, இந்திய யூனியன் முஸ்லிம் லீக் உள்ளிட்ட ‘இண்டி’ கூட்டணி எம்.பி.க்கள் இடம்பெற்றிருந்தனர்.

இதுகுறித்து செய்தியாளர்களிடம் கௌரவ் கோகாய் கூறியதாவது: சிவசேனை (உத்தவ் பிரிவு) உள்பட பல்வேறு எதிர்க்கட்சி எம்.பி.க்களின் கையொப்பம் பெற்ற இந்த கடிதத்தை அவைத் தலைவர் ஓம் பிர்லாவிடம் வழங்கினோம். மக்களவையின் மாண்பு, கலாசாரம் மற்றும் விதிகளை ஆளும் பாஜக எவ்வாறெல்லாம் மீறுகிறது என்பதை அவரிடம் விளக்கி எங்களது ஏமாற்றம் மற்றும் கண்டனத்தை பதிவு செய்தோம்.