சட்டவிரோத குடியேறிகளைப் பாதுகாக்கிறது காங்கிரஸ்

சட்டவிரோத குடியேறிகள் மற்றும் தேசவிரோத சக்திகளைப் பாதுகாக்கிறது காங்கிரஸ் என்று பிரதமர் நரேந்திர மோடி சாடினார்.

- 

மங்கள்தோய் (அஸ்ஸாம்) செப். 14: சட்டவிரோத குடியேறிகள் மற்றும் தேசவிரோத சக்திகளைப் பாதுகாக்கிறது காங்கிரஸ் என்று பிரதமர் நரேந்திர மோடி சாடினார்.

'இந்தியர்களின் நிலம்-சொத்துக்களை சட்டவிரோத குடியேறிகள் அபகரிக்க அனுமதிக்க மாட்டோம்; இந்திய மண்ணில் இருந்து அவர்கள் முழுமையாக வெளியேற்றப்படுவர்' என்று பிரதமர் மோடி உறுதிபட தெரிவித்தார்.

வடகிழக்கு மாநிலங்களான மிஸோரம், மணிப்பூருக்கு கடந்த சனிக்கிழமை பயணித்த பிரதமர் மோடி, அன்றைய தினம் மாலையில் அஸ்ஸாம் தலைநகர் குவாஹாட்டிக்கு வந்தடைந்தார். தாரங் மாவட்டம், மங்கள்தோய் பகுதியில் ஞாயிற்றுக்கிழமை நடைபெற்ற பொது நிகழ்ச்சியில் ரூ.5,300 கோடி மதிப்பிலான பல்வேறு வளர்ச்சித் திட்டங்களைத் தொடங்கிவைத்த அவர், புதிய திட்டங்களுக்கு அடிக்கல் நாட்டினார்.