செம்பரம்பாக்கம் சுத்திகரிப்பு நிலையத்தில் ரூ. 66.78 கோடியில் இரண்டாவது குடிநீர் குழாய் பரிசோதனை ஓட்டம்

செம்பரம்பாக்கம் நீர் சுத்திகரிப்பு நிலையத்திலிருந்து பூந்தமல்லி புறவழிச் சாலை சந்திப்பு வழியாக கோயம்பேடு வரையிலும் ரூ. 66.78 கோடியில் மேற்கொள்ளப்பட்டு வரும் இரண்டாவது பிரதான குடிநீர் குழாய் பரிசோதனை ஓட்டத்தை நகராட்சி நிர்வாகத் துறை அமைச்சர் கே.என். நேரு நேரில் ஆய்வு செய்தார்.

- 

திருவள்ளூர், ஆக. 20:

திருவள்ளூர் மாவட்டம், செம்பரம்பாக்கம் நீர் சுத்திகரிப்பு நிலையத்திலிருந்து பூந்தமல்லி புறவழிச் சாலை சந்திப்பு வழியாக கோயம்பேடு வரையிலும் மேற்கொள்ளப்பட்டுள்ள இரண்டாவது பிரதான குடிநீர் குழாய் பரிசோதனை ஓட்டம் நிகழ்வு புதன்கிழமை நடைபெற்றது.

இதை அமைச்சர் கே.என்.நேரு துறை அதிகாரிகளுடன் நேரில் ஆய்வு செய்தார்.

பின்னர் அவர் கூறியதாவது: கிருஷ்ணா குடிநீர் வழங்கல்திட்டம் மூலம் பெறப்பட்ட தண்ணீரை சுத்திகரிப்பதற்காக சென்னைக்கு அருகே செம்பரம்பாக்கத்தில் ரூ. 296 கோடி மதிப்பில் நாள்தோறும் 530 மில்லியன் லிட்டர் நீர் சுத்திகரிக்கும் நிலையம் மற்றும் சுத்திகரிக்கப்பட்ட குடிநீரை கொண்டு செல்லும் குழாய்கள் அமைக்கும் பணிகள் நிறைவேற்றப்பட்டு, கடந்த 19.7.2007-இல் அப்போதைய முதல்வர் மு.கருணாநிதியால் இந்த நிலையத்தின் செயல்பாடுகள் தொடங்கி வைக்கப்பட்டது.