பெங்களூரு நெரிசல்: ஆர்சிபி மீது வழக்கு

பெங்களூரில் ஐபிஎல் வெற்றிக் கொண்டாட்ட கூட்டநெரிசலில் சிக்கி 11 பேர் உயிரிழந்த சம்பவத்தில், ராயல் சேலஞ்சர்ஸ் பெங்களூரு (ஆர்சிபி) அணி, டி.என்.ஏ. என்டர்டெயின்மென்ட், கர்நாடக மாநில கிரிக்கெட் சங்கம் மீது பெங்களூரு போலீஸார் வியாழக்கிழமை வழக்குப் பதிவு செய்தனர்.

- 

பெங்களூரு, ஜூன் 5:

சம்பவம் நடைபெற்ற சின்னசாமி கிரிக்கெட் மைதானத்துக்கு சென்ற பெங்களூரு நகர மாவட்ட ஆட்சியர் ஜெகதீஷ் தனது விசாரணையைத் தொடங்கினார்.

பின்னர் செய்தியாளர்களிடம் பேசிய அவர், 'கர்நாடக மாநில கிரிக்கெட் சங்கம், ஆர்சிபி நிர்வாகம், நிகழ்ச்சி மேலாண்மை நிறுவனம், பெங்களூரு காவல் ஆணையர் உள்ளிட்டோருக்கு விசாரணைக்கு வர நோட்டீஸ் அனுப்பிவைக்கப்படும். விசாரணையை 15 நாள்களுக்குள் முடித்து அரசிடம் அறிக்கை அளிக்கப்படும். பொதுமக்களும் தங்களிடம் இருக்கும் ஆதாரங்களை அளிக்க முன்வர வேண்டும்' என்றார்.