வெளிநாட்டு ஜுனியர் ஹாக்கி வீரர்களுக்காக அலங்காநல்லூர் அருகே சிறப்பு ஜல்லிக்கட்டு

ஜூனியர் உலகக் கோப்பை ஹாக்கி போட்டியில் பங்கேற்றுள்ள வெளிநாட்டு வீரர்களுக்காக, மதுரை அலங்காநல்லூரை அடுத்த கீழக்கரையில் சிறப்பு ஜல்லிக்கட்டு போட்டி வெள்ளிக்கிழமை நடைபெற்றது.

- 

இதில் வெளிநாட்டு ஜூனியர் ஹாக்கி வீரர்கள் பார்வையாளர்களாகப் பங்கேற்றனர்.14ஆவது ஆடவர் ஜூனியர் உலகக் கோப்பை ஹாக்கி போட்டி மதுரையில் கடந்த மாதம் 28-ஆம் தேதி தொடங்கி நடைபெற்று வருகிறது. இந்தப் போட்டியில் 12 வெளிநாடுகளைச் சேர்ந்த வீரர்கள் பங்கேற்றுள்ளனர். இவர்கள், தமிழர்களின் பாரம்பரிய விளையாட்டான ஜல்லிக்கட்டு போட்டியைக் கண்டுகளிக்கும் வகையில், மாவட்ட நிர்வாகம் சார்பில் சிறப்பு ஜல்லிக்கட்டு வெள்ளிக்கிழமை நடத்தப்பட்டது.