ஈரோட்டில் பாரம்பரியமான இடங்களில் மாணவர்களுடன் ஆட்சியர் கள ஆய்வு

ஈரோடு நகரில் உள்ள பாரம்பரியமான இடங்களை மாணவர்கள் குழுவினருடன் மாவட்ட ஆட்சியர் ச.கந்தசாமி ஞாயிற்றுக்கிழமை பார்வையிட்டார்.

- 

ஈரோடு, செப்.14:

கொங்கு நாட்டின் இதயமாக விளங்கும் ஈரோடு மாநகரம், பண்டையக் காலம் முதல் நவீன காலம் வரையிலான வரலாற்றுச் செல்வங்களை பொதித்து வைத்துள்ளது. ஜவுளித் தொழிலில் புகழ்பெற்ற இந்த நகரத்தில் தமிழகத்தின் கலாசார பாரம்பரியத்தையும் வரலாற்று முக்கியத்துவத்தையும் கொண்ட சிறப்பு இடங்களை ஈரோடு மாவட்ட ஆட்சியர் ச.கந்தசாமி மாணவர்களுடன் சென்று பார்வையிட்டார்.

இதில் ஈரோடு திண்டல் வேலாயுத சுவாமி கோயில், ஸ்ரீ பெரிய மாரியம்மன் கோயில், கோட்டை ஸ்ரீ ஆருத்ர கபாலீஸ்வரர் கோயில் ஆகிய கோயில்களை பார்வையிட்டு, கோயில்களின் பெயர்க் காரணம், வரலாற்று பின்னணி, கோயில்களின் அமைப்பு, முக்கிய தெய்வம், ஆன்மிக முக்கியத்துவம், கோயில்களின் சிறப்பம்சங்கள், சுற்றுலா முக்கியத்துவம் ஆகியவை குறித்து கேட்டறிந்தார்.