பொது சுகாதாரம், மருத்துவத் துறைகளுக்கு இயக்குநர்கள் நியமனம்

தமிழக பொது சுகாதாரத் துறை இயக்குநராக ஏ.சோமசுந்தரம், மருத்துவம் மற்றும் ஊரக நலப்பணிகள் இயக்குநராக டி.கே.சித்ரா ஆகியோர் நியமனம் செய்யப்பட்டுள்ளனர்.

- 

சென்னை, ஆக. 8: அதேபோல தமிழகத்தில் 17 மருத்துவக் கல்லூரிகளுக்கு புதிய முதல்வர்கள் நியமிக்கப்பட்டுள்ளனர்.

இதற்கான அரசாணையை மக்கள் நல்வாழ்வுத் துறைச் செயலர் ப.செந்தில்குமார் பிறப்பித்துள்ளார்.

பொது சுகாதாரத் துறை இயக்குநராக இருந்த டாக்டர் செல்வவிநாயகம், மருத்துவம் மற்றும் ஊரக நலப்பணிகள் துறை இயக்குநராக இருந்த டாக்டர் ஜெ.ராஜமூர்த்தி ஆகியோர் கடந்த மாதம் ஓய்வு பெற்றனர். அதேபோன்று, குடும்ப நலத் துறை இயக்குநர் பதவிக்கு இதுவரை முழுப்பொறுப்பு அடிப்படையில் எவரும் நியமிக்கப்படாமல் இருந்தது.