2,500 ஆண்டுகளுக்கு முன்பே தமிழ்ச் சமூகம் வளர்ச்சிபெற்று இருந்தது

வரலாற்று ஆய்வாளர் கணியன் பாலன்

- 

ஈரோடு, ஆக.5: தமிழ்ச் சமூகம் 2,500 ஆண்டுகளுக்கு முன்பே கல்வி, தொழில்நுட்பத்தில் வளர்ச்சிபெற்று இருந்தது என வரலாற்று ஆய்வாளர் கணியன் பாலன் தெரிவித்தார்.

ஈரோடு புத்தகத் திருவிழாவை ஒட்டி நியூ செஞ்சுரி புத்தக நிறுவனத்தின் 50 நூல்கள் வெளியீட்டு விழா சிக்கய்ய அரசு கலை அறிவியல் கல்லூரியில் செவ்வாய்க்கிழமை நடைபெற்றது.

விழாவுக்கு நியூ செஞ்சுரி புத்தக நிறுவனத் தலைவர் த.ஸ்டாலின் குணசேகரன் தலைமை வகித்தார். பொது மேலாளர் எ.சிவகுமார் வரவேற்றார். நந்தா கல்வி நிறுவனங்களின் தலைவர் வி.சண்முகன் புதிய நூல்களை வெளியிட்டு பேசினார்.

இதில் எழுத்தாளர் சுப்ரபாரதி மணியன் பேசியதாவது: பொதுவாக நாவல்களை திரைப்படமாக எடுப்பார்கள். ஆனால் புதிய முயற்சியாக நான் எழுதிய திரைக்கதையை மையமாக வைத்து இரண்டு நூல்களை எழுதியுள்ளேன். அந்த நூல்களை நியூ செஞ்சுரி புத்தக நிறுவனம் வெளியிட்டுள்ளது.