சாலை மறியல்: தொழிற்சங்கங்களைச் சேர்ந்த 345 பேர் கைது

மத்திய அரசின் மக்கள் விரோத, தொழிலாளர் விரோத நடவடிக்கைகளைக் கண்டித்து ஈரோட்டில் அனைத்து தொழிற்சங்கங்கள் புதன்கிழமை ஒருநாள் வேலை நிறுத்தத்தில் ஈடுபட்டன. போராட்டத்தையொட்டி, சாலை மறியலில் ஈடுபட்ட 345 பேரை போலீஸார் கைது செய்தனர்.

- 

ஈரோடு, ஜூலை 9:

நாடு முழுவதும் விலைவாசி உயர்வைக் கட்டுப்படுத்த வேண்டும். சர்வதேச சந்தை விலைக்கேற்ப பெட்ரோல், டீசல், சமையல் எரிவாயு விலையைக் குறைக்க வேண்டும். ஜிஎஸ்டி வரி, சுங்க கட்டணத்தை குறைக்க வேண்டும். தொழிலாளர்களுக்கு விரோதமான நான்கு சட்டத் தொகுப்புகளையும் திரும்பப் பெற வேண்டும். பொதுத் துறை நிறுவனங்களை தனியாருக்கு விற்கக்கூடாது. காலிப் பணியிடங்களை நிரப்ப வேண்டும். பழைய ஓய்வூதியத் திட்டத்தை அமல்படுத்த வேண்டும். மோட்டார் வாகன திருத்த சட்டத்தை திரும்பப் பெற வேண்டும். விவசாய விளைபொருள்களுக்கு குறைந்தபட்ச ஆதரவு விலையை வழங்க வேண்டும். மின்சார திருத்த சட்டத்தை திரும்பப் பெற வேண்டும். தமிழகத்துக்கான கல்வி நிதியை ஒதுக்க வேண்டும் உள்ளிட்ட கோரிக்கைகளை வலியுறுத்தியும், மக்கள் விரோத, தொழிலாளர் விரோத நடவடிக்கைகளைக் கண்டித்தும் புதன்கிழமை ஒருநாள் வேலை நிறுத்தப் போராட்டத்தில் ஈடுபடுவதாக அனைத்து தொழிற்சங்கங்கள் கூட்டமைப்பு சார்பில் அறிவிக்கப்பட்டது.

அதன்படி, ஈரோடு மாவட்டத்தில் சிஐடியூ, ஏஐடியூசி, எல்பிஎஃப், எச்எம்எஸ், ஐஎன்டி யூசி, ஏஐசிசிடியூ, எம்எல்எஃப் அனைத்து தொழிற்சங்க கூட்டமைப்பு சார்பில் தொழிற்சங்கத்தினர் வேலை நிறுத்தத்தில் ஈடுபட்டனர்.

தொடர்ந்து, ஈரோடு -காந்திஜி சாலையில் உள்ள பெரியார் நகர் நுழைவாயில் அருகே தொழிற் சங்கத்தினர் திரண்டு, கோரிக்கைகளை வலியுறுத்தி முழக்கம் எழுப்பினர்.