விண்வெளியில் எலும்பு ஆரோக்கியம் குறித்து சுபான்ஷு சுக்லா ஆய்வு

விண்வெளியில் நுண்ஈர்ப்பு விசை சூழலுக்கேற்ப எலும்புகள் செயல்படும் விதம் குறித்து ஆக்ஸியம்-4 திட்டத்தின் கீழ் சர்வதேச விண்வெளி நிலையம் சென்றுள்ள இந்திய வீரர் சுபான்ஷு சுக்லா உள்ளிட்ட குழுவினர் ஆய்வு மேற்கொண்டனர்.

- 

புது தில்லி, ஜூலை 5:

பூமியில் எலும்புப்புரை சிகிச்சையை சிறப்பாக மேற்கொள்வதற்கான வழிகளை கண்டறிய அவர்கள் இந்த ஆய்வை மேற்கொண்டனர்.

விண்வெளிக்கு இந்திய வீரர்களை அனுப்பும் ‘ககன்யான்’ லட்சியத் திட்டத்துக்கு தேர்வு செய்யப்பட்ட லக்னௌவை சேர்ந்த சுபான்ஷு சுக்லா, அனுபவ பயிற்சி நோக்கங்களுக்காக அமெரிக்காவின் ஆக்ஸியம் ஸ்பேஸ் நிறுவனத்தின் ஆக்ஸியம்-4 திட்டத்தின் கீழ் சர்வதேச விண்வெளி நிலையத்துக்கு கடந்த மாதம் 25-ஆம் தேதி சென்றார்.