குறைந்த எடையுடன் பிறக்கும் குழந்தைகள்: உ.பி., மகாராஷ்டிரம், குஜராத், மேற்கு வங்கத்தில் அதிகம்

நாட்டில் குறைந்த எடையுடன் பிறக்கும் குழந்தைகளில் 47 சதவீதம் உத்தர பிரதேசம், மகாராஷ்டிரம், குஜராத், மேற்கு வங்கம் ஆகிய 4 மாநிலங்களில் பிறப்பதாக தேசிய குடும்ப சுகாதார கணக்கெடுப்பு (என்எஃப்எச்எஸ்) தரவுகள் மூலம் தெரியவந்துள்ளது.

- 

புது தில்லி, ஜூன் 18:

இதுதொடர்பாக தேசிய குடும்ப சுகாதார கணக்கெடுப்பின் கடந்த 5 பதிப்புகளில் இருந்து சேகரிக்கப்பட்ட தரவுகளைக் கொண்டு அமெரிக்காவின் டியூக், ஹார்வர்டு பல்கலைக்கழகங்கள் மற்றும் தென் கொரிய நிறுவனங்களின் ஆராய்ச்சியாளர்கள் இணைந்து ஆய்வு நடத்தினர். அந்த ஆய்வின் முடிவுகள் பிரிட்டிஷ் மருத்துவ இதழில் வெளியாகியுள்ளது.

பிறக்கும்போது ஒரு குழந்தையின் எடை 2.5 கிலோவுக்கும் மேல் இருக்க வேண்டும். இதற்கு குறைவான எடையுடன் பிறக்கும் குழந்தைகள், பிற்காலத்தில் உடல்நலம் மற்றும் அறிவுத்திறன் வளர்ச்சி உள்ளிட்ட பிரச்னைகளை எதிர்கொள்ள நேரிடும்.

தாயின் அடிப்படை உடல்நலப் பிரச்னைகள் மற்றும் மோசமான ஊட்டச்சத்து காரணமாக இந்த பாதிப்பு ஏற்படலாம்.