இந்திய வீரர் சுபான்ஷு சுக்லா அடுத்த மாதம் விண்வெளிக்குப் பயணம்

மத்திய அமைச்சர் தகவல்

- 

புது தில்லி, ஏப். 18: இந்திய விண்வெளி வீரர் சுபான்ஷு சுக்லா, ஆக்ஸிம்-4 திட்டத்தின் கீழ் அடுத்த மாதம் சர்வதேச விண்வெளி நிலையத்துக்கு பயணிக்க உள்ளதாக மத்திய விண்வெளித் துறை இணையமைச்சர் ஜிதேந்திர சிங் வெள்ளிக்கிழமை தெரிவித்தார்.

மனிதர்களை விண்ணுக்கு அனுப்பும் இந்தியாவின் 'ககன்யான்' திட்டத்துக்காக தேர்வான வீரர்களில் ஒருவரான சுக்லா, அனுபவப் பயிற்சி நோக்கங்களுக்காக விண்வெளிக்குப் பயணிக்க உள்ளார்.

அமெரிக்காவில் செயல்படும் மனித விண்வெளிப் பயண சேவைகள் நிறுவனமான ஆக்ஸிம் ஸ்பேஸ் நிறுவனத்தின் 'ஆக்ஸிம்-4' திட்டத்தின் கீழ் இப்பயணம் மேற்கொள்ளப்பட உள்ளது. சுக்லாவுடன் போலந்து, ஹங்கேரி நாடுகளின் வீரர்களும் பயணிக்க இருக்கின்றனர்.