மூவர் அதிரடி: லக்னௌவை வீழ்த்தியது பஞ்சாப்

ஐபிஎல் போட்டியின் 13-ஆவது ஆட்டத்தில் பஞ்சாப் கிங்ஸ் 8 விக்கெட்டுகள் வித்தியாசத்தில் லக்னௌ சூப்பர் ஜயன்ட்ஸை செவ்வாய்க்கிழமை சாய்த்தது.

- 

லக்னௌ, ஏப். 1:

முதலில் லக்னௌ 20 ஓவர்களில் 7 விக்கெட்டுகள் இழப்புக்கு 171 ரன்கள் எடுக்க, பஞ்சாப் 16.2 ஓவர்களிலேயே 2 விக்கெட்டுகள் மட்டும் இழந்து 177 ரன்கள் சேர்த்து வெற்றி பெற்றது.

பஞ்சாப் பௌலிங்கில் அர்ஷ்தீப் சிங் அசத்த, பேட்டிங்கில் பிரப்சிம்ரன் சிங், கேப்டன் ஷ்ரேயஸ் ஐயர், நெஹல் வதேரா ஆகியோர் ரன்களை விளாசி வெற்றிக்கு வழிவகுத்தனர்.

முன்னதாக டாஸ் வென்ற பஞ்சாப், பந்துவீச்சைத் தயாரானது.

லக்னௌ இன்னிங்ஸில், மிட்செல் மார்ஷ் முதல் ஓவரிலேயே ரன்னின்றி வெளியேறினார். 2-ஆவது விக்கெட்டுக்கு இணைந்த எய்டன் மார்க்ரம் - நிகோலஸ் பூரன் கூட்டணி 31 ரன்கள் சேர்த்தது.

மார்க்ரம் 4 பவுண்டரிகள், 1 சிக்ஸர் உள்பட 28 ரன்களுக்கு ஸ்டம்பை பறிகொடுத்தார்.