மணிப்பூரில் மீண்டும் வன்முறை: ஒருவர் உயிரிழப்பு; 25 பேர் காயம்

மணிப்பூரின் காங்போக்பி மாவட்டத்தில் சனிக்கிழமை நடைபெற்ற போராட்டத்தில் வன்முறை ஏற்பட்டது. இதில் போராட்டக்காரர் ஒருவர் உயிரிழந்தார். 25 பேர் காயமடைந்தனர்.

- 

இம்பால், மார்ச் 8:

மணிப்பூரில் தடையற்ற போக்குவரத்தை மார்ச் 8-ஆம் தேதி முதல் உறுதி செய்ய வேண்டும் என மத்திய உள்துறை அமைச்சர் அமித் ஷா உத்தரவிட்டதற்கு எதிர்ப்பு தெரிவித்து இந்த வன்முறை நிகழ்ந்ததாக தகவல்கள் வெளியாகியுள்ளன.

மணிப்பூரில் பெரும்பான்மையினராக உள்ள மைதேயி சமூகத்தினருக்கும், சிறுபான்மையினராக உள்ள குகி-ஜோ சமூகத்தினருக்கும் இடையே கடந்த 2023-ஆம் ஆண்டு மே மாதம் மோதல் ஏற்பட்டது. இதைத் தொடர்ந்து இரு சமூகத்தினருக்கும் இடையே நீடித்து வந்த வன்முறையில் 250-க்கும் மேற்பட்டோர் உயிரிழந்தனர். ஆயிரக்கணக்கானோர் வீடுகளை இழந்தனர். இன்றளவும் அங்கு முழுமையாக அமைதி திரும்பவில்லை.