கொடைக்கானலில் ஆப்பிள் விளைச்சல்: விவசாயி மகிழ்ச்சி

கொடைக்கானல் மேல்மலைக்கிராமமான கவுஞ்சியில் உள்ள ஒரு தோட்டத்தில் ஆப்பிள்கள் காய்த்து தொங்குவதால், விவசாயி மகிழ்ச்சியடைந்தார்.

- 

கொடைக்கானல், ஆக. 12:

திண்டுக்கல் மாவட்டம், கொடைக்கானல் பகுதிகளில் கடந்த 15 ஆண்டுகளுக்கு முன்பு உகார்த்தேநகர், செண்பகனூர், அப்சர்வேட்டரி, சின்னப்பள்ளம், பெரும்பள்ளம் உள்ளிட்ட பகுதிகளில் விவசாயிகள் காய்கறி விவசாயத்திலும், ஆப்பிள் மரங்களை வளர்த்தும் வந்தனர். நாளடைவில் கால நிலை மாற்றம் உள்ளிட்ட காரணங்களால் ஆப்பிள் மரங்கள் அழிந்துவிட்டன.

இதையடுத்து, மேல்மலைக் கிராமங்களில் உள்ள விவசாயிகள் உருளைக்கிழங்கு, கேரட், பூண்டு, பீன்ஸ் உள்ளிட்ட காய்கறி விவசாயத்தை முதன்மையாக மேற்கொண்டு வருகின்றனர்.