மது போதையில் ஆபாச நடனம்: கோயில் உதவி அர்ச்சகர் பணிநீக்கம்

விருதுநகர் மாவட்டம், ஸ்ரீவில்லிபுத்தூர் பெரிய மாரியம்மன் கோயில் உதவி அர்ச்சகர் மது போதையில் ஆபாச நடனமாடினார் என்பதற்கான வீடியோ வெளியானதை அடுத்து, அவரை பணிநீக்கம் செய்து இந்து சமய அறநிலையத் துறை புதன்கிழமை உத்தரவிட்டது.

- 

ஸ்ரீவில்லிபுத்தூர், ஜூன் 25:

ஸ்ரீவில்லிபுத்தூரில் இந்து சமய அறநிலையத் துறைக்கு உள்பட்ட பெரிய மாரியம்மன் கோயிலில் 28 ஆண்டுகளுக்குப் பிறகு, வருகிற ஜூலை 2-ஆம் தேதி குடமுழுக்கு நடைபெறுகிறது. இதற்காக, கடந்த 16-ஆம் தேதி முகூர்த்தக்கால் நடப்பட்டு திருப்பணிகள் நடைபெற்று வருகின்றன.

இந்த நிலையில், கோயில் உதவி அர்ச்சகர் கோமதி விநாயகம் (30) குடமுழுக்கு பணிக்காக வந்திருந்த 3 அர்ச்சகர்களுடன் சேர்ந்து, தனது வீட்டில் மது போதையில் நடனமாடிய வீடியோ காட்சி சமூக வலைதளங்களில் வெளியானது.