தொழிலதிபரைத் தாக்கி பணத்தை கொள்ளையடிக்க முயற்சி: 7 பேர் கைது

நத்தம் அருகே தொழிலதிபர் வீட்டுக்குள் புகுந்து அவரையும், அவரது தாயாரையும் தாக்கி பணத்தை கொள்ளையடிக்க முயன்றதாக 7 பேரை போலீஸார் வியாழக்கிழமை கைது செய்தனர்.

- 

நத்தம், ஜூன் 20:

திண்டுக்கல் மாவட்டம், நத்தம் அருகே சமுத்திராப்பட்டியைச் சேர்ந்த பிச்சை மகன் அழகப்பன் (49). இவர் வீட்டுமனை விற்பனை தொழில் செய்து வருகிறார். சமுத்திராப்பட்டியிலிருந்து சிறுகுடி செல்லும் சாலையில் உள்ள இவருக்குச் சொந்தமான வீட்டில் இவரும், இவரது தாய் சொர்ணமும் (75) வசித்து வருகின்றனர். இந்த நிலையில் கடந்த 16-ஆம் தேதி இரவு முகமூடி அணிந்த மர்ம நபர்கள் 6 பேர் பயங்கர ஆயுதங்களுடன் உள்ளே புகுந்து அழகப்பனிடம் பணம் கேட்டு மிரட்டினர். அப்போது அவர் கத்தியால் குத்தப்பட்டார். மேலும், வீட்டின் மாடியில் தூங்கிக் கொண்டிருந்த அழகப்பனின் தாய் சொர்ணத்தை படியிலிருந்து இழுத்து வந்து சித்ரவதை செய்தனர்.