கில் தலைமையிலான இந்தியாவுக்கு 'டெஸ்ட்'

இங்கிலாந்துடன் இன்று தொடக்கம்

- 

லீட்ஸ், ஜூன் 19: இந்தியா - இங்கிலாந்து மோதும் டெஸ்ட் கிரிக்கெட் தொடரின் முதல் ஆட்டம், லீட்ஸ் நகரில் வெள்ளிக்கிழமை (ஜூன் 20) தொடங்குகிறது.

புதிய கேப்டன், சர்வதேச அனுபவத்துக்கு புதிதான இளம் வீரர்கள் என, இந்தியா தனது புதிய பாதையில் பயணிக்கவுள்ளது. அடுத்த 45 நாள்களுக்கு இந்திய அணி விளையாடவிருக்கும் 5 ஆட்டங்கள் கொண்ட இந்தத் தொடர், அதற்கான புதிய அனுபவத்தையும், அடையாளத்தை வழங்கும்.

ரோஹித் சர்மா, விராட் கோலி, ரவிச்சந்திரன் அஸ்வின் என, டெஸ்ட் கிரிக்கெட்டில் பிரதான வீரர்கள் தற்போது ஓய்வுபெற்றிருக்க, இந்திய கிரிக்கெட்டை தற்போது அடுத்த தலைமுறையினர் தங்கள் தோளுக்கு மாற்றிக்கொண்டுள்ளனர்.