மேகாலயம்: தேனிலவில் கணவர் படுகொலை; கைதான மனைவி, 4 பேரிடம் தீவிர விசாரணை

மேகாலய மாநிலத்துக்கு தேனிலவு கொண்டாட அழைத்துச் சென்று, கூலிப்படையினர் மூலம் கணவரைத் தீர்த்துக் கட்டிய சம்பவத்தில் கைதான அவரது மனைவி மற்றும் 4 பேரிடம் காவல் துறையினர் தீவிர விசாரணை மேற்கொண்டுள்ளனர்.

- 

இந்தூர்/ஷில்லாங், ஜூன் 10:

பரபரப்பாகப் பேசப்படும் இச்சம்பவம் குறித்த விவரம் வருமாறு: மத்திய பிரதேச மாநிலம், இந்தூரைச் சேர்ந்தவர் சோனம் (24). இவருக்கும், தொழிலதிபரான ராஜா ரகுவன்ஷிக்கும் (28) கடந்த மே 11-ஆம் தேதி இந்தூரில் திருமணம் நடைபெற்றது.

சில நாள்களுக்குப் பின்னர், தேனிலவு கொண்டாடுவதற்காக புதுமணத் தம்பதி மேகாலயத்துக்கு வந்தனர். இயற்கை எழில்மிக்க சிரபுஞ்சி அருகே உள்ள நொங்கிரியாட் கிராமத்தில் தங்கும் விடுதியில் தங்கியிருந்த அவர்கள், கடந்த 23-ஆம் தேதி அறையை காலி செய்துவிட்டுப் புறப்பட்டனர். அதன் பிறகு இருவரும் மாயமானர்.

இது தொடர்பாகக் குடும்பத்தினர் அளித்த புகாரின்பேரில் மேகாலய காவல் துறையினர் இருவரையும் தேடி வந்தனர்.