அமித் ஷாவின் 'அமைதி ஆபரேஷன்' மூலம் திமுக ஆட்சி அகற்றப்படும்

மத்திய உள்துறை அமைச்சர் அமித் ஷா மேற்கொள்ளும் அமைதி ஆபரேஷன் மூலம் தமிழகத்தில் திமுக ஆட்சி அகற்றப்படுவது உறுதி என்று பாஜக மாநிலத் தலைவர் நயினார் நாகேந்திரன் தெரிவித்தார்.

- 

மதுரை, ஜூன் 8: மத்திய உள்துறை அமைச்சர் அமித் ஷா மேற்கொள்ளும் அமைதி ஆபரேஷன் மூலம் தமிழகத்தில் திமுக ஆட்சி அகற்றப்படுவது உறுதி என்று பாஜக மாநிலத் தலைவர் நயினார் நாகேந்திரன் தெரிவித்தார்.

மதுரையில் ஞாயிற்றுக்கிழமை நடைபெற்ற பாஜக மாநில, மண்டல, மாவட்ட நிர்வாகிகள் கூட்டத்தில் அவர் பேசியதாவது:

'ஷா' என்றாலே திமுகவுக்கு பயம். இதனால்தான் பாஜக-அதிமுக கூட்டணி குறித்து திமுக பொய் பிரசாரங்களை மேற்கொண்டு வருகிறது. தமிழகத்தில் சட்டம்-ஒழுங்கு சீர்கெட்டுள்ளது. பெண்களுக்கு எதிரான பாலியல் குற்றங்கள் அதிகரித்துள்ளன.