மூத்த குடிமக்கள் கட்டணச் சலுகை ரத்து

ரயில்வேக்கு 5 ஆண்டுகளில் ரூ. 8,913 கோடி கூடுதல் வருவாய்

- 

புது தில்லி, ஏப். 10: ரயில்களில் மூத்த குடிமக்களுக்கான பயண கட்டணச் சலுகையை ரத்து செய்ததன் மூலம் கடந்த 5 ஆண்டுகளில் ரயில்வேக்கு ரூ. 8,913 கோடி கூடுதல் வருவாய் கிடைத்திருப்பது தெரியவந்தது.

ரயில்களில் மூத்த குடிமக்களுக்கு 2020-ஆம் ஆண்டு மார்ச் 20-ஆம் பயண கட்டணச் சலுகை அளிக்கப்பட்டு வந்தது. 60 வயதைக் கடந்த ஆண்கள் மற்றும் திருநங்கைகளுக்கு பயணக் கட்டணத்தில் 40 சதவீதமும், 58 வயதைக் கடந்த பெண்களுக்கு 50 சதவீதமும் சலுகை அளிக்கப்பட்டது. கரோனா பாதிப்பின்போது இந்த கட்டணச் சலுகை ரத்து செய்யப்பட்டது.