ஓட்டுநர் பயிற்சி மையங்களுக்கு தமிழ்நாட்டிலிருந்து முன்மொழிவு வந்தால் அனுமதி அளிக்கத் தயார் மக்களவையில் அமைச்சர் நிதின் கட்கரி தகவல்

ஓட்டுநர் பயிற்சி மையங்கள் அமைப்பதற்கான முன்மொழிவு தமிழ்நாட்டில் இருந்து வந்தால் அனுமதி அளிக்க தாம் தயாராக இருப்பதாக மக்களவையில் மத்திய சாலைப் போக்குவரத்துத் துறை அமைச்சர் நிதின் கட்கரி தெரிவித்தார்.

- நமது நிருபர்

நமது நிருபர் புது தில்லி, ஏப்.3:

இதுதொடர்பாக மக்களவையில் விருதுநகர் எம்.பி. பி.மாணிக்கம் தாகூர் வியாழக்கிழமை கேள்வி நேரத்தில் பேசியதாவது: நான் தமிழ்நாட்டின் விருதுநகர் மாவட்டத்தை பிரதிநிதித்துவப்படுத்துகிறேன். அமைச்சரின் அறிக்கையில், அனுமதிக்கப்பட்ட 87 மையங்களில், 41 ஓட்டுநர் பயிற்சி மையங்களில் (டி.டி.சி) மூன்று மட்டுமே இப்போது செயல்படுவதாகச் சுட்டிக் காட்டியுள்ளார். இது அனுமதிக்கப்பட்ட டிடிசிகளில் 90 சதவீதத்திற்கும் மேல் செயல்படாமல் இருப்பதைக் காட்டுகிறது.