கங்கை கொண்ட சோழீசுவரம்!

'கங்கை கொண்ட சோழபுரம்' என்றதும் அரியலூரில் ராஜேந்திரசோழன் எழுப்பிய கோயில்தான் நினைவுக்கும் வரும்.

- பனையபுரம் அதியமான்

அதன் பழமைத் தன்மைக்கு இணையான மற்றொரு கோயில் கூழம்பந்தல் என்ற கிராமத்தில் உள்ளது, 'கூழம்' என்பதற்கு 'எள்', 'திலம்', 'கூழகம்' என்றும் 'பந்தல்' என்பதற்கு 'ஓடும் சாலை' என்றும் பொருளாகும்.பல்லவர்களின் தலைநகரான காஞ்சிபுரத்தில் இருந்து, பிற்காலச் சோழர்களின் தலைநகரங்களாக விளங்கிய பழையாறு, கங்கை கொண்ட சோழபுரம் ஆகிய இடங்களுக்கு இவ்வூர் வழியே நெடுஞ்சாலை இருந்துள்ளது. இதன் இருமருங்கிலும் எள் பயிர் நிறைந்திருந்ததால், 'கூழம்பந்தல்' என்று அழைக்கப்பட்டுள்ளது.

'கூழன்' என்பது ஒரு வகை பலா மரத்தைக் குறிக்கிறது. பலா மரங்கள் நிறைந்த சாலைப் பகுதி இது என்பதால், 'கூழன் பந்தல்' என்றும் கூறுகின்றனர்.

'கங்கை கொண்ட சோழீசுவரம்', 'விக்கிரம சோழபுரம்' என்பன இந்த ஊரின் பழமையான பெயர்களாகும்.