சமூக நல்லிணக்கப் பாதுகாப்பில் சமரசம் கிடையாது

தமிழகத்தில் சமூக நல்லிணக்கத்தைப் பாதுகாப்பதில் தமிழக வெற்றிக் கழகம் எவ்வித சமரசமும் செய்யாது என கட்சித் தலைவர் விஜய் தெரிவித்தார்.

- 

சென்னையை அடுத்த மாமல்லபுரத்தில் திங்கள்கிழமை நடைபெற்ற தவெகவின் சமத்துவ 'கிறிஸ்துமஸ்' விழாவில், பங்கேற்று விஜய் பேசியதாவது: அன்பும், கருணையும் கொண்ட மனதைதான் தாய் மனம் என்பார்கள். தமிழகமும் அப்படிப்பட்ட தாய் மனம் கொண்ட மாநிலம்தான். ஒரு தாய்க்கு எல்லாக் குழந்தைகளும் ஒன்றுதான். அப்படி, பொங்கல், தீபாவளி, ரமலான், கிறிஸ்துமஸ் என அனைத்து மத பண்டிகைகளையும் அனைவரும் ஒன்றிணைந்து கொண்டாடும் மாநிலம் தமிழ்நாடு.

இங்கு வாழ்க்கை முறையும், வழிபாட்டு முறையும் வெவ்வேறாக இருந்தாலும், அனைவரும் சகோதரத்துவத்துடன் பழகி வருகிறோம். உண்மையான இறைநம்பிக்கைதான் நல்லிணக்கத்தை விதைக்கும். மற்றவர்களின் நம்பிக்கையை மதிக்க கற்றுக்கொடுக்கும். அப்படிப்பட்ட நம்பிக்கை இருந்தால் எத்தகைய பிரச்னைகளையும் வென்றுவிட முடியும். இதனால்தான் தவெக அரசியலுக்கு வந்ததும் கடவுள் நம்பிக்கை உண்டு என்று அறிவித்தோம்.

100% உறுதி: