ஜ.நா. அகதிகள் முகமையின் தலைவராக முன்னாள் அகதி தேர்வு

ஐ.நா. அகதிகள் முகமையின் தலைவராக முன்னாள் இராக் அதிபர் பர்ஹாம் சாலி (65) பதவி வகிக்க ஐ.நா. பொதுச் சபை அண்மையில் ஒப்புதல் அளித்தது.

- 

இதன்மூலம், அந்த முகமைக்கு அகதியாக இருந்த ஒருவர் முதல் முறையாகத் தலைவராக தேர்வு செய்யப்பட்டுள்ளார்.

ஐ.நா.வின் முக்கிய முகமைகளில் ஒன்றாக விளங்கும் அகதிகள் முகமையின் தலைவராக வரும் ஜனவரி 1-ஆம் தேதி முதல் 5 ஆண்டுகளுக்கு சாலி பதவி வகிப்பார்.

ஐ.நா. பொதுச் செயலராகும் முன், அகதிகள் முகமைக்கு அன்டோனியோ குட்டெரெஸ் தலைமை வகித்தார். அவர் சாலியை அகதிகள் முகமையின் தலைவராகப் பரிந்துரைத்தார். இதையடுத்து 193 உறுப்பு நாடுகளைக் கொண்ட அந்த முகமையின் தலைவராக சாலி தேர்வு செய்யப்பட்டார்.