காலி மதுபுட்டிகளைத் திரும்பப் பெறும் திட்டம்; நவ.30-க்குள் அமல்படுத்த அரசுக்கு உத்தரவு

காலி மதுபுட்டிகளைத் திரும்பப் பெறும் திட்டத்தை நவ. 30-ஆம் தேதிக்குள் தமிழகம் முழுவதும் அரசு அமல்படுத்த வேண்டும் என சென்னை உயர்நீதிமன்றம் உத்தரவிட்டது.

- 

சென்னை, செப். 4:

சுற்றுச்சூழல், வனம் மற்றும் வனவிலங்குகள் தொடர்பான வழக்குகளை நீதிபதிகள் என்.சதீஷ்குமார், டி.பரதசக்கரவர்த்தி ஆகியோர் அடங்கிய சிறப்பு அமர்வு விசாரித்து வருகிறது. உதகை, கொடைக்கானல் உள்ளிட்ட மலைவாழ் இடங்களில் உள்ள டாஸ்மாக் கடைகளில் காலி மதுபுட்டிகளைத் திரும்பப் பெறும் திட்டத்தை அமல்படுத்த சிறப்பு அமர்வு நீதிபதிகள் உத்தரவிட்டிருந்தனர். பின்னர் தமிழகம் முழுவதும் இத்திட்டத்தை விரிவுபடுத்தவும் உத்தரவிட்டிருந்தனர்.