போட்டித் தேர்வுக்கு பயில ரூ. 45 லட்சத்தில் கூடுதல் வசதிகள்

தருமபுரி மாவட்டம், பாப்பாரப்பட்டியில் அமைந்துள்ள சுப்பிரமணிய சிவா மணிமண்டப வளாகத்தில், மாவட்ட நிர்வாகம் சார்பில் போட்டித் தேர்வுக்கு பயில்வோருக்கு ரூ. 45 லட்சத்தில் கூடுதல் வசதிகளை ஏற்படுத்தும் வகையில் மேம்பாட்டுப் பணிகள் தொடங்கப்பட்டுள்ளன.

- இராச. கார்த்திகேயன்

தருமபுரி, செப். 1: தருமபுரி மாவட்டம், பாப்பாரப்பட்டியில் அமைந்துள்ள சுப்பிரமணிய சிவா மணிமண்டப வளாகத்தில், மாவட்ட நிர்வாகம் சார்பில் போட்டித் தேர்வுக்கு பயில்வோருக்கு ரூ. 45 லட்சத்தில் கூடுதல் வசதிகளை ஏற்படுத்தும் வகையில் மேம்பாட்டுப் பணிகள் தொடங்கப்பட்டுள்ளன.

தருமபுரி மாவட்டம், பென்னாகரம் வட்டம், பாப்பாரப்பட்டியில், சுதந்திரப் போராட்ட தியாகி சுப்பிரமணிய சிவாவுக்கு அரசு சார்பில் மணிமண்டபம் அமைக்கப்பட்டுள்ளது. சுமார் 5 ஏக்கரில் உள்ள இந்த வளாகத்தில், அவரின் கனவு திட்டங்களில் ஒன்றான பாரத மாதா கோயிலும் அமைந்துள்ளது. மேலும், இவ்வளாகம் இயற்கை எழிலுடன் பரந்து விரிந்து இருப்பதால், பாப்பாரப்பட்டி மட்டுமின்றி சுற்றுப்புற பகுதிகளைச் சேர்ந்த ஏராளமான இளைஞர்கள் இந்த இடத்தை படிக்கும் மையமாக பயன்படுத்தி வந்தனர். இதை கருத்தில் கொண்ட மாவட்ட நிர்வாகம், இதே வளாகத்தில் நூலகக் கட்டடம் அமைத்து அங்கு தேர்வுக்கு பயில்வோர் பயன்பெறும் வகையில் நூல்களையும் வைத்து ஒரு சிறு நூலகத்தையே செயல்படுத்தி வருகிறது.

மேலும், தேர்வுக்கு பயில்வோருக்கு இருக்கை வசதிகள், குடிநீர், மின்விசிறி, கழிப்பறை உள்ளிட்ட பல்வேறு வசதிகளும் ஏற்படுத்தப்பட்டன.