வெற்றி பெறுமா விஜயின் வியூகம்...?

நாயக நாட்டில் யார் வேண்டுமானாலும் கட்சி தொடங்கலாம். மாற்று அரசியல் பேசலாம். அதில் எந்தத் தவறும் இல்லை. திரைப்படம் மட்டுமன்றி எந்தத் துறையில் இருந்தும் புதியவர்கள் கட்சி தொடங்குவதில் யாருக்கும் ஆட்சேபம் இல்லை.

- வைகைச்செல்வன், முன்னாள் அமைச்சர்

ஆனால், மாற்று அரசியல் பேசி புதிய கட்சி தொடங்குவோர் இப்போது உள்ள அரசியல் கட்சிகளிடம் இருந்து எந்த வகையில் மாற்றுக் கொள்கைகளை முன்வைக்கிறார்கள் என்பதுதான் முக்கியம்.

திரைக்கவர்ச்சி மட்டுமே வாக்குகளைப் பெற்றுத் தரும் என நடி கர்கள் புதிய கட்சிகள் தொடங்கி மாற்று எனக் கூறி ஏமாற்றமாக மாறியவர்களின் பட்டியல் நீண்டு கொண்டே போகிறது.

தமிழக வெற்றிக் கழகத்தைத் தொடங்கிய விஜய், மக்களவைத் தேர்தலில் போட்டியிடாமல், 2026 பேரவைத் தேர்தல்தான் தனது இலக்கு என அறிவித்தார்.

விக்கிரவாண்டி, ஈரோடு கிழக்கு சட்டப்பேரவை இடைத் தேர்தல்களைப் புறக்கணித்தார். தன்னை எம்ஜிஆருடன் ஒப்பிடும் விஜய், எம்ஜிஆரின் அரசியல் பாதையை உற்றுக் கவனிக்க வேண்டும்.

திமுகவின் தொடக்க காலத்தில் இருந்தே கட்சியில் இருந்த அவர், 1957, 1962,1967, 1971 ஆகிய சட்டப்பேரவைத் தேர்தல் களில் திமுகவுக்கு ஆதரவாகப் பிரசாரம் செய்தார். தனது திரைப் படங்களில் ஒழுக்கத்தைக் கற்றுக் கொடுத்து நல்லவர், வல்லவர், ஏழைப் பங்காளர், பாட்டா ளிகளின் தோழன் என்கிற தனது பிம்பத்துக்கு எந்த வகையிலும் பாதிப்பு இல்லாத வகையில் செயல்பட்டார்.