அமெரிக்காவுக்குள் சட்டவிரோத ஊடுருவல்கள்: பஞ்சாப், ஹரியாணாவில் அமலாக்கத் துறை சோதனை

அமெரிக்காவுக்குச் செல்ல விரும்பும் மக்களை 'டாங்கி ரூட்' எனும் ஆபத்தான வழியில் அந்த நாட்டுக்குள் சட்டவிரோதமாக ஊடுருவ செய்யும் மோசடி தொடர்பான வழக்கில் பஞ்சாப், ஹரியாணா ஆகிய மாநிலங்களில் அமலாக்கத் துறை புதன்கிழமை சோதனை நடத்தியது.

- 

ஜலந்தர், ஜூலை 9: அமெரிக்காவுக்குச் செல்ல விரும்பும் மக்களை 'டாங்கி ரூட்' எனும் ஆபத்தான வழியில் அந்த நாட்டுக்குள் சட்டவிரோதமாக ஊடுருவ செய்யும் மோசடி தொடர்பான வழக்கில் பஞ்சாப், ஹரியாணா ஆகிய மாநிலங்களில் அமலாக்கத் துறை புதன்கிழமை சோதனை நடத்தியது.

பஞ்சாபின் அமிருதசரஸ், சங்ரூர், பட்டியாலா, மோகா மற்றும் ஹரியாணாவின் அம்பாலா, குருஷேத்திரம், கர்னால் உள்ளிட்ட 11 நகரங்களில் உள்ள வழக்கில் தொடர்புடைய பயண முகவர்களின் வீடுகள் மற்றும் அலுவலகங்களில் அமலாக்கத் துறை சோதனை நடத்தியது.