மருந்துகளை முறையாகப் பாதுகாக்க பொது சுகாதாரத் துறை உத்தரவு

நாய்க்கடிக்குள்ளாகி தடுப்பூசி செலுத்திக்கொண்டவர்களும் ரேபிஸ் தொற்றுக்குள்ளாகி உயிரிழப்பது அதிகரித்து வருவதாகப் பொது சுகாதாரத் துறை இயக்குநர் செல்வவிநாயகம் தெரிவித்துள்ளார்.

- 

சென்னை, ஜூலை 4:

ரேபிஸ் தடுப்பூசிகளை முறையான தட்பவெப்ப நிலையிலும், உரிய வழிகாட்டுதலின்படியும் சேமித்து வைக்குமாறு சுகாதாரப் பணியாளர்களுக்கு அவர் உத்தரவிட்டுள்ளார்.

ரேபிஸ் தடுப்பூசிகளின் வீரியம் குறித்து நீண்ட காலமாகவே பல்வேறு சந்தேகங்களும், விமர்சனங்களும் எழுந்துவரும் நிலையில், பொது சுகாதாரத் துறை இயக்குநர் வெளியிட்டுள்ள இந்த அறிவுறுத்தல்கள் கூடுதல் முக்கியத்துவம் பெற்றுள்ளது.

இதுதொடர்பாக டாக்டர் செல்வவிநாயகம் அனைத்து சுகாதாரத் துறை அதிகாரிகளுக்கும் அனுப்பியுள்ள சுற்றறிக்கை:

கேரளத்தில் கடந்த மாதம் நாய்க்கடியால் பாதிக்கப்பட்ட 5 வயது சிறுவன், தடுப்பூசி செலுத்திய பிறகும் உயிரிழந்தார். அதேபோன்று மற்றொரு சிறுவனும் உயிரிழந்திருக்கிறார். ரேபிஸ் தடுப்பூசி செலுத்திக்கொண்டாலும், தொற்று ஏற்பட்டு உயிரிழக்கும் சம்பவங்கள் தொடர்ச்சியாக நிகழ்கின்றன.