பிற்படுத்தப்பட்டோர், சீர்மரபினர் கடனுதவி பெற விண்ணப்பிக்கலாம்: ஆட்சியர்

பிற்படுத்தப்பட்டோர், மிகவும் பிற்படுத்தப்பட்டோர் மற்றும் சீர்மரபினர் சார்ந்த தனிநபர் மற்றும் குழுக்கடன் பெற விண்ணப்பிக்க மாவட்ட ஆட்சியர் ரெ.சதீஸ் அழைப்பு விடுத்துள்ளார்.

- 

தருமபுரி, ஜூன் 30:

இதுகுறித்த அவர் வெளியிட்டுள்ள செய்திக் குறிப்பு:

தருமபுரி மாவட்டத்தில் பொருளாதார முன்னேற்றத்துக்காக சாத்தியக்கூறு உள்ள சிறுதொழில்கள் மற்றும் வியாபாரம் செய்ய தனிநபர் கடன் மற்றும் குழுக்கடன் திட்டத்தில் தமிழ்நாடு பிற்படுத்தப்பட்டோர் மேம்பாட்டு ஆணையத்தின் மூலம் கடனுதவி வழங்கப்பட்டு வருகிறது.

விண்ணப்பதாரர்கள் பிற்படுத்தப்பட்டோர், மிகவும் பிற்படுத்தப்பட்டோர் மற்றும் சீர்மரபினர் இனத்தவராக இருக்க வேண்டும். ஆண்டு வருமானம் ரூ.3 லட்சத்துக்கு மிகாமலும், 18 வயது பூர்த்தி அடைந்தவராகவும், 60 வயதுக்கு உள்பட்டவராகவும் இருக்க வேண்டும். குடும்பத்தில் ஒரு நபருக்கு மட்டுமே கடனுதவி வழங்கப்படும்.