கட்டடத் தொழிலாளி கொலை வழக்கில் 3 பேருக்கு ஆயுள் சிறைத் தண்டனை

கட்டடத் தொழிலாளி கொலை வழக்கில் 3 பேருக்கு ஆயுள் சிறைத் தண்டனை விதித்து ஒசூர் நீதிமன்றம் செவ்வாய்க்கிழமை தீர்ப்பளித்தது.

- 

ஒசூர், ஜூன் 17:

வேலூர் மாவட்டம், நாட்றம்பள்ளி அருகே உள்ள கோணப்பட்டு பகுதியைச் சேர்ந்த அசோக் (20), வேலு, ஸ்ரீதர் ஆகியோர் கட்டடத் தொழிலாளிகள். இவர்கள் கிருஷ்ணகிரி மாவட்டம், தளி அருகே உப்பாரப்பள்ளியை அடுத்துள்ள பெத்தகோடிப்பள்ளி பிரிவு சாலையில் செட் அமைத்து தங்கி கட்டட வேலை செய்து வந்தனர்.

இந்த நிலையில் கடந்த 2015 ஆம் ஆண்டு பிப்ரவரி மாதம் 13 ஆம் தேதி வேலு, ஸ்ரீதர் ஆகியோர் மளிகைப் பொருள்கள், காய்கறி வாங்குவதற்காக உளிவீரனப்பள்ளிக்குச் சென்றுள்ளனர். அசோக் மட்டும் தனியாக சமைத்துக் கொண்டிருந்தார்.