ஏர் இந்தியா: தொழில்நுட்பக் கோளாறால் ஒரே நாளில் 13 விமான சேவைகள் ரத்து

தொழில்நுட்பக் கோளாறால் கொல்கத்தா விமான நிலையத்தில் நிறுத்திவைக்கப்பட்ட ஏர் இந்தியா விமானம்.

- 

அகமதாபாத், ஜூன் 17: கடந்த 12-ஆம் தேதி விமான விபத்துக்குப் பிறகு திங்கள்கிழமை மீண்டும் தொடங்கப்பட்ட அகமதாபாத்-லண்டன் விமான சேவை உள்பட 13 சர்வதேச விமான சேவைகளை ஏர் இந்தியா நிறுவனம் செவ்வாய்க்கிழமை ஒரே நாளில் ரத்து செய்தது.

அகமதாபாத், சர்தார் வல்லபாய் படேல் விமான நிலையம் மற்றும் லண்டன், காட்விக் விமான நிலையம் இடையிலான ஏர் இந்தியாவின் விமான சேவை, ஏஐ 159' எனும் புதிய குறியீட்டுடன் திங்கள்கிழமை முதல் மீண்டும் தொடங்கப்பட்டது. அதன்படி, முதல் விமானம் லண்டன் சென்று, அகமதாபாதுக்கு மீண்டும் திரும்பியது.