விரைவில் உலகின் மூன்றாவது மிகப் பெரிய பொருளாதார நாடாக இந்தியா

உலகின் மூன்றாவது மிகப் பெரிய பொருளாதார நாடாக அடுத்த சில ஆண்டுகளில் இந்தியா உருவெடுக்கும் என்று பிரதமர் நரேந்திர மோடி நம்பிக்கை தெரிவித்தார்.

- 

நிகோசியா, ஜூன் 16:

மூன்று நாடுகள் அரசு முறைப் பயணம் மேற்கொண்டுள்ள பிரதமர் மோடி, முதல் கட்டமாக சைப்ரஸுக்கு ஞாயிற்றுக்கிழமை சென்றார். அன்றைய தினம் அந் நாட்டின் லிமாசோல் நகரில் நடைபெற்ற தொழில் துறையினருடனான வட்டமேஜை மாநாட்டில் சைப்ரஸ் அதிபர் நிகோஸ் கிறிஸ்டோடௌலிடிஸ் உடன் பங்கேற்றார்.

இதுகுறித்து வெளியுறவு அமைச்சகம் திங்கள்கிழமை வெளியிட்ட செய்திக்குறிப்பில் கூறியிருப்பதாவது: தொழில் துறையினருடனான வட்ட மேஜை மாநாட்டில் உரையாற்றிய பிரதமர் மோடி, தற்போது உலகின் ஐந்தாவது மிகப் பெரிய பொருளாதார நாடாக இருக்கும் இந்தியா, புதிய கண்டுபிடிப்புகள், எண்மப் புரட்சி, புத்தாக்க நிறுவனங்கள் மற்றும் நவீன உள்கட்டமைப்பு மேம்பாடுகளுக்கு முன்னுரிமை அளித்து வருகிறது.

மேலும், வணிகம் செய்வதில் நம்பிக்கை மற்றும் நடைமுறைகளை எளிமையாக்கும் வகையில் சரக்கு மற்றும் சேவை வரி (ஜிஎஸ்டி) அறிமுகம், நிறுவனங்கள் வரி சீரமைப்பு என்பன உள்ளிட்ட நடவடிக்கைகள் மேற்கொள்ளப்பட்டுள்ளன.