தொப்பூர் உயர்நிலை மேம்பாலப் பணி: விபத்துகளைத் தவிர்க்க விழிப்புணர்வு ஏற்படுத்த அறிவுறுத்தல்

தருமபுரி மாவட்டம், தொப்பூர் கணவாய் பகுதியில் உயர்நிலை மேம்பாலம் அமைக்கும் பணி நடைபெற்று வருவதால், விபத்து மற்றும் நெரிசலைத் தவிர்க்க போதிய விழிப்புணர்வு ஏற்படுத்த வேண்டும் என தருமபுரி மாவட்ட ஆட்சியர் ரெ.சதீஷ் அலுவலர்களுக்கு அறிவுறுத்தினார்.

- 

தருமபுரி, ஜூன் 10:

தருமபுரி மாவட்டம், நல்லம்பள்ளி வட்டம், பாளையம்புதூர், தொப்பூர் மலை கணவாய் பகுதியில் உயர்நிலை பாலம் அமைக்கும் பணிகள் நடைபெற்று வருவதைத் தொடர்ந்து, போக்குவரத்து நெரிசல் மற்றும் விபத்துகள் நிகழாதிருக்கும் பொருட்டு மேற்கொள்ளப்பட வேண்டிய சாலை பாதுகாப்பு முன்னேற்பாட்டு நடவடிக்கைகள் குறித்து அலுவலர்களுடனான ஆய்வுக்கூட்டம் தருமபுரி ஆட்சியர் அலுவலக கூட்டரங்கில் செவ்வாய்க்கிழமை நடைபெற்றது.