வைகாசி விசாகம்: முருகன் கோயில்களில் சிறப்பு வழிபாடு

தருமபுரியில் வைகாசி விசாகத்தை முன்னிட்டு முருகன் கோயில்களில் சிறப்பு வழிபாடு திங்கள்கிழமை நடைபெற்றது.

- 

தருமபுரி, ஜூன் 9:

தருமபுரி குமாரசாமிப்பேட்டை அருள்மிகு சிவசுப்பிரமணிய சுவாமி கோயிலில் வைகாசி விசாகத்தை முன்னிட்டு அதிகாலை முதல் மூலவருக்கு சிறப்பு அபிஷேகம், ஆராதனைகள் நடைபெற்றன. இதை யடுத்து மூலவருக்கு தங்கக் கவச அலங்கார சேவையும், மகா தீபாராதனையும் நடைபெற்றது. இந்த சிறப்பு வழிபாட்டில் திரளான பக்தர்கள் கலந்துகொண்டனர்.

தொடர்ந்து, மேளதாளங்கள் முழங்க சந்திரபிரபை வாகனத்தில் சுப்பிரமணியர் திருவீதி உலா நடைபெற்றது. இந்த விழாவையொட்டி பக்தர்களுக்கு சிறப்பு பிரசாதம் வழங்கப்பட்டது.