ஏடிஎம்-இல் நூதன முறையில் பணம் திருட்டு: உத்தர பிரதேசத்தைச் சேர்ந்த மூவர் கைது

சென்னை திருவான்மியூரில் ஏடிஎம் இயந்திரத்தில் நூதன முறையில் பணம் திருடியதாக உத்தர பிரதேசத்தைச் சேர்ந்த 3 பேர் கைது செய்யப்பட்டனர்.

- 

சென்னை, மே 26:

சென்னை திருவல்லிக்கேணி, கபாலி நகர் பகுதியைச் சேர்ந்தவர் நரேன்குமார் (34). தனியார் ஏடிஎம் இயந்திரம் நிறுவன ஊழியர்.

இவர் திருவான்மியூர் காவல் நிலையத்தில் ஞாயிற்றுக்கிழமை புகார் அளித்தார். அதில், எங்களது நிறுவன பராமரிப்பில் திருவான்மியூர் திருவள்ளுவர் நகரில் செயல்படும் ஒரு தேசியமயமாக்கப்பட்ட வங்கியின் ஏடிஎம் மையத்தில் உள்ள ஏடிஎம் இயந்திரத்தில் வாடிக்கையாளர் பணம் பெறும் பகுதியில் உள்பக்கமாக ஒரு கருப்பு அட்டை வைக்கப்பட்டு, வாடிக்கையாளர் பணத்தை எடுக்கவிடாமல் தடுத்து, அவர்களின் பணத்தை மர்ம நபர்கள் திருடியுள்ளனர் என்று தெரிவித்திருந்தார்.