ஓய்வு பெற்ற எஸ்ஐ கொலை வழக்கில் தேடப்பட்டவர் சுட்டுப்பிடிப்பு

திருநெல்வேலியில் ஓய்வு பெற்ற காவல் உதவி ஆய்வாளர் கொலை வழக்கில் தேடப்பட்டு வந்தவரை தனிப்படை போலீஸார் புதன்கிழமை துப்பாக்கியால் சுட்டுப்பிடித்தனர்.

- 

திருநெல்வேலி, மார்ச் 19:

திருநெல்வேலி நகரத்தைச் சேர்ந்த ஓய்வு பெற்ற காவல் உதவி ஆய்வாளரான ஜாகீர் உசேன் பிஜிலிக்கும், முகமது தௌபிக் என்ற கிருஷ்ணமூர்த்திக்கும் இடையே நிலத்தகராறு இருந்து வந்ததாகக் கூறப்படுகிறது.

இந்த நிலையில், கடந்த செவ்வாய்க்கிழமை தொழுகையை முடித்துவிட்டுச் சென்ற பிஜிலி வெட்டிக் கொல்லப்பட்டார்.

இந்த வழக்கில் கார்த்திக், அக்பர்ஷா ஆகியோர் திருநெல்வேலி நீதிமன்றத்தில் செவ்வாய்க்கிழமை சரணடைந்தனர்; முகமது தௌபிக் என்ற கிருஷ்ணமூர்த்தியை மாநகர காவல் துறையினர் தேடி வந்தனர்.