சிங்கத்தை குகையிலேயே...

நார்வே நாட்டின் ஆஸ்லோ நகரில் அண்மையில் நடைபெற்ற செஸ் போட்டியில், அந்த நாட்டைச் சேர்ந்த செஸ் ஜாம்பவான் மாக்னஸ் கார்ல்சனை வீழ்த்தி பட்டம் வென்றார் பிரக்ஞானந்தா.

- -பா. சுஜித்குமார்

இதனால் ‘சிங்கத்தை அதன் குகையிலேயே வீழ்த்திய வீரத் தமிழன்’ என்ற சிறப்பை செஸ் வீரர் பிரக்ஞானந்தா பெற்றுள்ளார்.

செஸ் உலகில் முடிசூடா மன்னனாகத் திகழ்ந்து வரும் மாக்னஸ் கார்ல்ஸன் உலகின் நம்பர் 1 வீரர் என்ற சிறப்புடன் வலம் வருகிறார். ஐந்து முறை உலக சாம்பியன், ஆறு முறை உலக ரேபிட் சாம்பியன், ஒன்பது முறை உலக பிளிட்ஸ் சாம்பியன் என்ற பெருமை அவருக்குள்ளது. இத்தகைய பெருமை வாய்ந்த மாக்னஸ் கார்ல்சனை ஆட்டத்தில் வீழ்த்துவது சிரமமானது.

இந்த நிலையில், மிகவும் கௌரவமிக்க நார்வே செஸ் போட்டியில் பட்டத்தை வென்ற முதல் இந்திய வீரர் என்ற சாதனையை பிரக்ஞானந்தா நிகழ்த்தினார். விஸ்வநாதன் ஆனந்த்தும்கூட இத்தகைய சிறப்பை பெற்றதில்லை.